شعرى

يا سلام عليك الغالي هواري وتسلم على هذه الروعة وأهديك هذه


كل ما تكبري تحلو أكتر

تقول عجونك زادوك سكر

من قمتي وحاتك نحن بنحلف بيها

حلاتك البسمة الحلوة ووجناتك

والخد الحاضن نوناتك

عشان بنريدك وحياتك

بقيمنا نقاسمك في ذاتك

لو ريدتنا معاكي تكبر

حاجة جديدة علي وعليك

تسوقنا تودي عيونا ليك

ما عرفناها من ماضيك

ولا الخصلة الظهرت فيك

خلتنا نساهر نحلم بيك

وأنتي في حالك ما هاميك

يهمك كيف وعيونك فتر

وحاتك الكحل الفي العينين

والزهر الفتح والياسمين

مهما يكونوا الناس حلوين

حلاوتك يا .............. زيها

ما لاقين عليك العشرة الليها

سنين ورينا حلاوتك دي حدها

وين الكل صباح بتزيد تكتر

الكل صباح بتزيد تكتر