الغربه

عليك الله وحات الريد
وحات الآه والتنهيد
كفاك لا تمشي للغربة
تروح تاني مني بعيد
عليك الله الزمن غدار
مصيرنا بكرة ما بالإيد
وماعاد في قلوبنا مكان
تاني جرح جديد
سنين يا غالي ما ضحكنا
ولا اتبسمنا بالمرة
وأول مرة في الدنيا
تعدي شهور بدون قمرة
حرام بعدك تلاقي (النار)
نعيم دنيانا وأشواقا
نعيش تاني المرار والنار
بعاد أرواحنا وفراقا
عليك الله وحات الريد
وحات الآه والتنهيد
كفاك لا تمشي للغربة
تروح تاني مني بعيد

لكى التحية اخت سحر وحقيقة كلماتك جميلة ومعبرة واجمل ما فيها هي المناجاه والشكوى
والتنهيد فاتمنى ان تجد من يتفاعل معها خصوصا مع رغبات جيل اليوم فى السفر الى الخارج
واليكى اقول زيدي فمثلك قد زاد واكثر ونحن فى انتظار المزيد منكى وما تجود به قريحتك الشعرية
علينا0 فلا تتردى ولا تجعلى الحروف حبيسة فى دواخلك0 فهيا ثوري واخرجي لنا كل ما عندك
ونحن فى انتظارك0
وختاما لى كلمات ربما تكون اقرب مما كتبتيه انتى ولكنها بلسان اخرى وفيها اقول00
كم مرة قبل اليوم
قلت انك جااااااي
خليتني بيك افرح
وجيراني حتى معاي
لكنك لسة ما جيت
وانا هسة قاعدة براي
الشوق فيني يحوووم
قولي انت كيف الراي0
000000000000000 مع خالص التحايا وكل عام وانتي بالف خير0