ياهو الهلال سيد الطرب

ايمن الأحد مايو 15, 2011 6:58 pm

أجمل ما قيل من شعر في الهلال.

\\\\\\\\\\\\\\\\\\\\\\\\\\\\\\\\\\\\\\\\\\
قصيده سلام الهلال لأمبراطور الشعر السوداني ( حميد )
القصيده تعكس ابداع الشاعر وعظمه من اثار دواخل الشاعر
لتخرج هذه التحفه الشعريه التي فرضت نفسها كقصيده تهز وجدان كل الشعب
السوداني بكل الوانه وهي لا تقل عن الجابريه ولا رسائل ست الدار
ولا عم عبد الرحيم وان كانت رائعه حد الروعه ك (عيوشه) .
جادت قريحه حميد بأفضل الحروف في حق افضل الكيانات
والطيبين للطيبات .
اتضح في هذه القصيده
ان مكانه الهلال لدي حميد لا تقل عن الوطن
فيتضح جليا انه اكد ان كل ما بالسودان هلالي العشق
بشره وحجره وشجره ومطره
وحتي القمر اصبح معشوقا للبشر لانه حينما يكون في منتصفه يخلق شكل الهلال
وايضا في القصيده تجد ان الشاعر
لم يجد اعظم من الهلال ليجمع كل الشعب السوداني
زنوج وعرب وبجا ونوبيين ونوبه
وتتشكل روعه قبائل سودانيه (زرقاء)
واكد في ختام قصيدته ان الهلال ليس فريق كره قدم فحسب انما يعتبر دوله
بحالها حيث يمكن ان يوحد المجتمع الهلالي
كل الشعب السوداني بعد ان شبع الجميع من الفرقه
التي خلقها التعصب القبلي والسياسي طالبا
منه ان يحقق هذا الهدف الذي عجزوا عنه كسياسيين
وهذه الايام تحقق مقصده وهاهو حبيب الملايين
يقود مبادره الصلح بين قبيلتين طال خصامهم وحرابهم
فاصبح المعشوق بلسما داوي جراحات السنين
وسحابه ينساب مطرها ليسقيهم فرحا بعد عقود من الحرمان
ختاما بمثلما يعتبر الشعر تكوين
خُلقي في حميد فأن هذا الاحساس ممزوج
بكل رائع في داخله ولا نستغرب ان يخرج
منه هذا الابداع فالجميل للجميل
فكل الشكر شاعرنا القومي .

سلام الهلال السوداني

محمد الحسن سالم حميد

الليلة دا يوم السودان
البلد الليلة هلالابى
النيل الأزرق نشوان
والأبيض أبيض ياأحبابى
يامشرّف كل الأتيام
فى يوم السعد الافريقى
يا مفرّح كبد الأيتام
باللعب البعد الموسيقى
يا هلال فى جبيرة سودانك
فى جبين الشعب الحبّوب
أبشر لاباشر وأقوانك
ياعريس السمر المحبوب
تعجبنى الرمية الزنجية
لى رأس الحربة النوبية
بى خفة لمسة بجاوية
تتسامى الهامة العربية
وتتناول نسمة صعيديّة
تسكن بى كلّ أريحيّة
ما بين الخصل البنيّة
وزغريدة تبق سودانية
لى أروع دخلة على النية
لى أروع دخلة هلالية
البحر الليلة هلالابى
المطر..
الحجر..
الترّابى
الشدر الشايل متكابى
الساقى عروقو الحطّابى
الشوقو عنقريب هبّابى
الشاقّى مروقوهلالابى
الوسّار ذوقوهلالابى
القمر البيتو قصاد بابى
حبيتو لانو هلالابى
وين تمشى الراضى على المابى
بالشمش الفوقوهلالابى
يا ليم يا الكورة وكت تبقى
أخلاق موروثة مع الخلقة
الغالب حاضنو المغلوب بمودة
وحنية ورقة
وجمهور بيشجع مصحوب
بالنغم الطيب والصفقة
الله ياشعب ياحبوب
ما أحلى الدخلة على المرقة
يا فريق بيطلع كم فرقة
يامارق بينا من الزنقة
وحدنا شبعنا من الفرقة
جددنا عشان نبقى وتبقى
ياريت الطالقة المنطلقة
وعلى بعض طلقة
ياريت يا أبونا يا ابو الحرقة
لو تقرا بياضك والزرقة

\\\\\\\\\\\\\\\\\\\\\\\\\\\\\\\\
مضمون الدهب عارف مكانو وناسو
لي غير الهلال ما بدي أبداً كاسو
حير للجماعة وفتشولو وكاسو
ما غير طريقو وما نجح حناسو
**
يا مريخ هلال العز بطل مضمون
باللعب النضيف الكلو ذوق وفنون
في هز الشباك شوتاتو دغري تكون
مرات جرجرات مرات بشكل النون
***
ما شفتو الهلال ما شفتو قاقا وعزو
أقوان
كالمطر مهما العتاوله يلزو
كل ما يجيبو قون والشبكه ليها يهزو
في المقصورة
ديك تلقى الجماعة يفزو**.

\\\\\\\\\\\\\\\\\\\
زيك منو.. وانت الهلال
شبهك شنو.. يا احلى فال
كِملت روائع أشواقنا فيك.. واتلاشى في ريدك محال..
زيك منو..
في كل جيل انت الفريد
دائماً من الأنجم بعيد
إنت الوطن حبك مجيد
ريدتنا للأبيض هنا.. والله للأزرق شديد
زيك منو..
لي ريدك الأطفال تميل
ويسهر لريدك كل جميل
حُب الشباب اكبر دليل
أما الشيوخ تهواك أكيد.. والحكمة اماتنا القبيل..
زيك منو..
ما شفنا في الأكوان صفاك
ما عشنا في السودان بلاك
أزرق سماء وأبيض ملاك
إفريقيا والعالم مداك.. وشعارك النيلين كفاك
زيك منو..
أزرق أنيق..أبيض شقيق
جمهور عريق.. الكل صديق
لاعب بقدر الشعار.. وإداري برسم في الطريق..
زيك منو..
ما بتتغلب في ملعبك
ما بتتوصف ما فيك شك
اقوى الفرق هي بتعجبك
اصلو الصعب بهوى الصعاب.. وكلمة محال هي بتطربك
زيك منو..
سيد النجوم.. صاحب فنون وإبداع دوام
في حضرتك تُخفى النجوم يا راقي يا سامي المقام
اللوعة ما في روعتك.. واللوحة ما في الانسجام
الروعة تغلب كل تيم.. وأنا فيك يغلبني الكلام
زيك منو..
يا هو الهلال اروع فريق في الكون عديل
الهامتو سامقة في كل جيل
القامتو زي طلع النخيل
الريد لغيرك ما بكون.. والدنيا غيرك مستحيل..
يا هو الهلال سيد الطرب
كاسات موشحة من ذهب
لا جات حظوظ لا جات وهب
هلالنا يا الاحباب صعب.. ما شفنا من ميدان هرب..
وهلالنا يا الأحباب صعب.. ما شاله زي زيكو وهرب
زيك منو..
كل البنات تتغنى بيك
كل البلاد تتمنى فيك
قدامنا تلعب ونشتهيك
ليه لأنك اغلى شي.. واجمل صفات الدنيا فيك..
زيك منو..
مليون بقربك يفرحو
في 100 عندك بمرحو
مليار معاك بتسوحو
حتى الزعل خدعو النجم.. لسع غرامك بجرحو..
زيك منو..
انت الهلال قاهر الرجال ما بيكفي في حقك غُنا
ما بوفي في وصفك كلام.. كل اللغات بتقيف هنا
ريدتنا ليك زي روعتك.. زي ريدة الأم للجنا
غلبوك أو غالب أكيد.. بهواك في الحالتين أنا
زيك منو..
تملى المسامات بالفرح.. وعيونا بي ارقى الفنون
والروح تئن من غير تراك والدمعة تحرق في العيون
إحساسنا فات حد الهوس وعقولنا لامست الجنون
سبحانه من خلقك وطن.. وتعالى من خلاك سكون
زيك منو..
أسياده أخوان سيدا سيد البقول سيد البلد
زيك منو وانت الوحيد ماليك زول غير الله والوطن السعد
لا ليك مساند ولا نفاق جمهور نظيف ما تعدو عد
النصرو ما تحكيم وبيع.. والخصمو ما بديهو نقد
هلالنا يا روح الوطن.. يا ريدة ما بيخونه عهد
زيك منو...
الله والوطن والهلال..
اصدق قيم وأجمل مقال..
نهواك يا سيد النجوم نفداك يا نبع الوصال..
لو ما الهلال ما جاء الكفر وكان ما الهلال ما جو الرجال..
زيك منو..

\\\\\\\\\\\\\\\\\\\\\\\\\\\\\
أضاء بدر الدياجي شق السماوات شقاً

وعم منه ضياءاً قد صير النجم محقــا

نحن الأهلة كنا بكل نصـــر أحقا

فنحن أكثر فنــاً منهم ورمياً أدقا

أشد للكأس حباً وأكثر الناس عشقا
\\\\\\\\\\\\\\\\\\\\\\\\\\\\\\\\\\\\\\\
هلا سألت المجد والتاريخ
عن ازرق قد جندل المريخ
واستنطق الابداع بالفنون
بقلعة الجسارة المصون
وحرك الجماد والسكون
وسطر التاريخ
و
اليكم( قصيدة النصر)
بالتلاته
فتنا حد الروعه ذاتا
يا هلال انثر فنونك
كل نجوم الدنيا دونك
وكل رجالك استماتا
الهلال بالحب تشبع
وفي قلوب الناس تربع
الف مليار المربع
والف مبروك التلاته
والهلال دوما صدراه
بالتألق والجداره
في بلاد النيل مناره
وبره طلتو يا حلاتا
ديمبا باري دفاعنا ناري
وفي الهجوم هداف مهاري
وكل حدود الروعه فاتا
وايفو للابداع اقيفو
شوفو ازرقنا وحريفو
وشوف كيف مبدعنا شاتا
ويا معلم يا عمرنا
بيكا فزنا وانتصرنا
وبيكا فرحتنا النبيله
تسلم القدم الجميله
ولينا تسلم مقدراتا
و
انتا في ذاتك قصيده
وانتا لوحاتك فريده
فيك معز حارسنا ديدا
وهيثم الاسطوره سيدا
و
البدايه الصخره باري
قون جميل خلاب وناري
لا حقيقه ولا اتاري
زيو مافي
ومافي دافي
وماف سفاري
وبالعذيمه وبالاراده
المعلم تاني عادا
يستحق كل الاشاده
وبيهو اشرق انتصاري
والقصير ايفوسا طمن
وباليمين للفرحه امن
وبيهو رديت اعتباري
و
يا معز شكرا جزيلا
والف شكرا ليكا باري
وود بخيت انتا المعلم
وانتا صاروخك يساري
وايفو لي شكرك بقيفو
الهلال طقطق وصيفو
واكد الوضع الصداري
\\\\\\\\\\\\\\\\\\\\\\\\\\\\\\\

اشهر ماكتب في الهلال
القصيدة وهي من تاليف الاستاذ محمد حسن متعه الله بالصحة والعافية ودام له ولنا عشق الهلال

وقف مشاهدك يازمن
راجع دفاترك يامحال
في السكة موج ازرق هدر
تاريخ ندر اسمو الهلال

الملعب الاخضر سكوت
ساكن خطوط من هيبتو
كل المساطب من قديم
عرفت جلالو وعزتو
حتى المقاعد والسياج
ادوا السلام لي روعتو
اهوده الهلال طيبة ومثال
تاريخ عظيم في فكرتو

حيو الفريق العالمي
حيو الهلال رمز الفخار
فرسانو قلب بيدق وفاء
ويتفانو في حب الشعار
جمهورو في التشجيع ابان
في كل حوبة وانتصار
شمس الرياضة الضاوية نور
عزمو الصمود القلبو حار

يابصمة الدم في العروق
ازرق مع ابيض بيحوق
يامارد افريقيا الصعب
بين العرب زاهي الشروق

كل ماتواجه تنتصر
لي نصر تاني يجين شوق
ما اصلو قمنا علي الشعار
بنقولا ديمة هلالنا فوق
\\\\\\\\\\\\\\\\\\\\\\\\\\\\\\
شوفو هلالنا ولعبو وفنو
ادهش وابدع واقنع وامتع
الاسياد ابتهجو وغنو
والسوادن بالفرحه استمتع
فازو اتقدمو عادو وتنو
وقون ايفوسا التالت اروع
دحرو الشامت وبددو ظنو
والمريخ الطيش اترصع
السبعاب احتارو وجنو
طار مريخهم شتت وودع
احلمو يا سبعاب واتمنو
الا الواقع ابشع واشنع
نحنا الافضل ديمه لأنو
قلبنا اصفي وانضر وانصع
ونحنا هلال اتفجر فنو
وفي الترتيب هلا واتربع
ونحنا طموح لا ينضب دنو
وابدا ما انجازنا مربع
خرسو وطرشو وسكتو وصنو
ونمر الورق الوهمي اتقطع
\\\\\\\\\\\\\\\\\\\\\\\\\\\\\\\

هنالك ايضا قصيدة كتبت للهلال كتبها عمر البنا وتغنى بها كرومة سنة 1942 ويقول في مطلعها

هل الهلال والأيام صفنة وضع تاريخ للسودان بفنة رياضي كل الأقطار يعرفنة
\\\\\\\\\\\\\\\\\\\\\\\\\\\\\\\\\\\\\
اما اجمل العبارات التي قيلت في حق الهلال فقالها الكاتب السعودي احمد الشمراني عندما قال قمة الحياد في السودان ان تشجع الهلال فهو يمثل كل السودان